Hikmatulloh Toʻrayev terma jamoamizga ikkinchi bronza medalini taqdim etdi

Xabaringiz bor, BAA poytaxti Abu-Dabi shahri mezbonlik qilayotgan dzyudo boʻyicha “Katta dubulgʻa” turkumiga kiruvchi turnirning ikkinchi kungi bahslari boʻlib oʻtdi. Bugungi bahslarda bir necha sportchimiz tatamiga chiqdi.

Ushbu bellashuvlarda -73 kg vazn toifasida yurtimiz sharafini himoya qilgan polvonimiz Hikmatulloh Toʻrayev belgiyalik Dirk Van Ticheltni vazari bahosi evaziga magʻlubiyatga uchratdi. Ushbu gʻalaba Toʻrayevga bronza medali bilan birga 500 reyting ochkosini ham taqdim etdi.

Maʼlumot uchun, Hikmatulloh Toʻrayev Abu-Dabi turnirida albaniyalik Jon Vrenozi, xitoylik Daga Kving, perulik Alonso Vong, ozarbayjonlik Rustam Orujovdan ustun kelgan, yarim finalda esa kanadalik Artur Margelidonga imkoniyatni boy berib qoʻygan edi.

Eslatib oʻtamiz, bu terma jamoamizning ushbu musobaqadagi ikkinchi medali boʻldi. Kechagi bahslarda -60 kg vazn toifasida tatamiga chiqqan Rio-2016 Olimpiadasi sovrindori Diyorbek Oʻrozboyev ham bronza medalini qoʻlga kiritgan edi.

Jismoniy tarbiya va sport vazirligi

Matbuot xizmati

Saytning oxirgi yangilanishi:
13.12.2019 | 13:26
Onlayn maslahatchi
Mening fikrim

Biz bilan bog'lanish

  • "Ishonch telefoni" raqami:
  • "Yagona telefon" raqami:
  • Ish kunlari (shanba va yakshanbadan tashqari) 9:00 dan 18:00 gacha (tushlik 13:00 dan 14:00 gacha)
  • "Ishonch telefoni" orqali murojaatlarni ko'rib chiqish yo'riqnomasi.
  • "Yagona telefon" orqali murojaatlarni ko'rib chiqish yo'riqnomasi.
  • Yuridik manzil: O‘zbekiston, Toshkent shahar, Abdulla Qodiriy 2-uy
  • E-mail: info@goskomsport.uz
  • Telefon:
  • Faks:
  • Mo'ljal: Oloy bozori
  • Transportlar:
    • Avtobuslar: 85,51
    • Marshrut taksilar: 17, 62, 95, 152, 153, 169